Aurten egoera berezian bada ere Zaraguetan korrika ospatu dugu.
Gela bakoitzak eskola sarreran jarritako Euskal Herriko mapan ibilbidearen zati bat margotu dugu. Bukaeran lekukoa HIPI gelako ikasleek jaso dute. Eskolara etorri berriak diren eta euskaraz ikasten ari diren ikasleek. Hauek izan dira lekukoak barruan zuen leloa irakurri dutenak.
HH-ko ikasleak eskolako kanpo espazioan gure korrika txikia ospatu dugu.
Ederra izan da aurtengo ospakizuna ere!!
Gau eta egun Zaragueta euskaldun!!
LH5. mailako bi gelak Ekosistemak landu ditugu azken hiruhileko honetan. Inguruneko orduetan egin dugu eta bukatzeko taldeka honako maketa hauek egin ditugu. Bertan,ekosistemaren deskribapenarekin batera, zaintzeko beharrezkoak diren arau idatzi ditugu. Eskolako liburutegian jarri ditugu ikusgai.
 |
Piztu irratia hementxe dugu eta udaberriko lehen irratsaioa. Irratsaio honetako aurkezleak LH6. mailakoak izango ditugu.
Saio honetako protagonista nagusia musika izango da. Hasteko HH 4 eta 5 urtekoek ingelesez bi abesti abestuko dizkigute eta ondoren LH 3B-koek musika talde bati buruz egin duten lana aurkeztuko digute. Ez ahaztu lehiaketako sariduna nor den eta galdera berria ere zein den esango dugula.
Bukatzeko, saioaren amaieran pertsona bati sorpresatxo bat ere prestatu diogu. Besterik gabe, 5, 4, 3, 2, 1...AIREAN!!!
Soinketako saioetan, hainbat kirol eta joko ezagutzeaz gain, gure gorputza ere ezagutuz goaz. Horretarako, koordinazio saio batzuk egin ditugu, Alunelul dantza eta gure gorputzarekin perkusioa nola egin ikasi ditugu.
Hemen uzten dizuegu 6.mailakoekin egin genuen abestia. Espero gustatzea!!
KAIXO NAIT CHARIF FAMILIA!
Dakizuenez, gure eskolako Sara, Reda eta Aia Londresera bizitzera joan ziren duela hilabete batzuk. Faltan asko botatzen ditugunez, bideo deia egin dugu familia osoarekin!!!
5 urtekoek marrazkiak egin ditugu Sararentzat eta banan banan erakutsi dizkiogu. Gainera abesti bat prestatu eta asko maite dugula esan diogu!
Amaitzeko guztiok batera, taldeko argazkia atera dugu:
Oso polita izan da zuek berriz ikustea familia!
Besarkada bat Orioko Zaraguetatik Londonerainoooo!!!
Joan den ostegunean, martxoaren 4an, "Idazleak ikastetxeetan" programaren baitan Gotzon Barandiaranen eta Rafa Ruedaren saioa izan zuten DBH 3 eta DBH 4ko ikasleek. Arraun Etxean elkartu ziren, abesti bihurtutako euskal poemez aritzeko. Gotzon Barandiaranek azaldu zuen hitzen eta abestien testuingurua, eta Rafa Ruedak zuzenean abestu zituen. Kantatzen duguna ere bagarela gogoraraziz amaitu zuten saioa.
KAIXO! EGURALDI ONA APROBETXATUZ, 1. MAILAKO IKASLEEKIN ENGLISH-EKO SAIO BAT KANPOAN EGITEKO APROBETXATU DUGU. JOLAS DESBERDINAK EGIN DITUGU, ONDO PASAZ INGELERA PRAKTIKATZEN.
DBH 1eko ikasleek, Euskara eta Literatura ikasgaian, sentimenduen inbentarioa egin dute 2. hiruhilekoan, hau da, beraien sentimenduei eta bizipenei buruzko testu poetikoen bilduma. Bilduma horiek dira DBHko pasilloan ikusgai jarri ditugunak. Artistak dira DBH 1eko hauek!
