"The enchanted frog" Story Teller came to tell stories in English.
Urtero bezala ipuin kontaketa saioak izan ditugu eskolan ingelesez. Ikusi hemen saioaren zatitxo bat!
Lehen hezkuntzako 3. eta 4. mailakoek batetik, 5 eta 6. mailakoek bestetik eta DBHko 1. eta 2. mailakoek segidan saio bana izan dute.
We really enjoyed the show!
Ikasleak ipuin-kontalari dabiltza. Aldez aurretik landu, etxean ikasi eta beste ikaskideei gelan kontatu. Txandaka ikasle guztiak kontalari izango dira. Ahozkotasuna lantzeaz gain, entzumena ere lantzen ari dira. Oso pozik daude eta ipuinek duten xarma ere agerian geratu da.
Hala bazan edo ez bazan, sar dadila kalabazan eta azaldu dadila Orioko plazan!!
Aste honetan LH4A gelakook San Joango ermitako mahaietara lanera joan garenean begira nola aurkitu dugun. Denon artean dena jasotzea erabaki dugu. Argazki gehiago ikusteko irudian klikatu.
Herriko txokoak zaindu ditzagun!!!
Aste honetan LH4. mailan pisu jaurtiketa egin dugu. Batzuk gehiago, beste batzuk gutxiago baina denok gustura ibili gara.
Aste honetan eguraldi aproposa izan dugu kalera ateratzeko. LH 4. mailako ikasleok ederki aprobetxatu dugu. Hemendik aurrera eguzkitako krema ere motxilan sartu beharko dugu. Argazki gehiago ikusteko irudian klikatu.
.jpg)
Bigarren hiruhilekoari amaiera polita emateko gaur goizean LH4A-kook Itxaspe aldera joan gara. Bertan, denon artean bertso bat osatzea ere lortu dugu. Ea zuen gustukoa den:
Bi mila hogeita biko
apirilak zortzi
gelan izan ditugu
hainbat esperientzi
denak ezin ditugu
bertsoan idatzi
ondo pasa oporrak
denontzat goraintzi
Doinua: Balearen bertsoak
EBELINA MANDARINA
4B.mailako ikasleak Ebelina Mandarinaren tertulia dialogikoak egiten ari gara. Dagoeneko azken tertulia bakarrik falta zaigu eta asko gustatzen ari zaigu! Eguraldi ona aprobetxatuz kanpora atera gara tertulia egitera aste honetan!
Nire etxea kolore askotakoa da. Urdina du goiko aldea, udako zerua bezala, eta gorria behekoa, amak ezpainak margotzen dituen kolore berekoa. Nire etxea tokiz aldatzen da egun batetik bestera, baina ez naiz barraskiloa. Ni zirku batean bizi naiz. Ez da zaila hori ondorioztatzea nire etxeak gurpilak dituela esaten badut, eta nire ama trapezista dela. Ebelina dut izena. Amak eta amonak ere Ebelina dute izena. Horregatik deitzen didate Ebelina Mandarina. Horregatik eta nire ilearen koloreagatik. Batzuentzat gorria da; besteentzat laranja.
Gaur "Transexualitatearen Ikusgarritasunaren Eguna" ospatzen dugu eta geletan jarduera ezberdinak egin ditugu. LH4. mailan eskolako txoko ezberdinetan jartzeko kartelak egin ditugu eta goizean eskolara sartzerakoan jartzen dugun abestian grabaketak egin ditugu.
Abestia entzuteko hemen klikatu.
Argazki gehiago ikusteko hemen klikatu.
Udaberria hastearekin batera LH4Akoak Kukuarri aldera joan gara. Bertara joateko gure poltsikoetan txanpon batzuk sartu ditugu eta nahiz eta adi ibili ez dugu kukuaren soinurik entzun. Hala ere, ez dugu aukera galdu gelan kukuari buruz landu ditugun olerkiak eta abestiak irakurtzeko.
Bideoarekin nahiko ez baduzue hementxe argazki batzuk.
HELPER bezala txandakatzen gara ingeleseko saioetan.
Zein bete behar dituzte HELPERrek? Ikusi 4. mailako ikasleek zein lan txukunak egiten dituzten!
LH 4. mailan ipuinaren gaia lantzen hasi gara. Oporren aurretik ipuinaren hasiera emanda taldeka ipuinak sortu genituen. Ea zuen gustukoak diren.
Bazen behin, bazen behin, bazen behin...
Aste honetan eskolan Euskararen Astea ospatzen ari gara. Eskolako sarreran dagoen eskeletoa (euskara) egoera larrian dagoela ikusi dugu. Denon artean ondo zaindu behar dugula konturatu gara eta horretarako lantxo ezberdinak egin ditugu.
LH4ko ikasleok eskolara sartzean entzuten den abestia eta
irratsaiorako zotz abesti batzuk grabatu ditugu. Honetaz gain, sarrera
apaintzeko denbora ere izan dugu.
EUSKARAREN EGUNA EGUNERO DA!!! GORA EUSKARA!!!
LH4. mailan kontserbak nola egin behar diren lantzen ari gara. Gaurkoan hegaluzea kontserban nola egin behar den azalduko dugu.
On egin!!!
Gaurkoan laugarren mailako ikasleok kantu saioaren grabaketa egin dugu. Eli irakaslearen gidaritzapean bi abesti eder grabatu ditugu. Datorren astean egindako bi abestien bideoak argitaratuko ditugu.
GORA MUSIKA ETA AUPA ORIO!!!!
Kaixo lagunak!!!
LH 4.mailako ikasleak ikasturteari hasiera eman diogu. Gure gelakideak hobeto ezagutzeko astero protagonista bat izango dugu gelan, ikasle bakoitzak gustuko duen zerbait gelakideen aurrean aurkeztuko du. Aste honetako protagonista Orion eta bere tronpeta izan ditugu.
