OLENTZEROREN BISITA ZARAGUETAN

OLENTZEROREN BISITA ZARAGUETAN Bisita berezia izan dugu gaur Zaraguetako haurrok. Urtero bezala Gabonetako oportxoak hartu aurretik Olentzero egon da gure eskolan. Etortzekoa zela bagenekienez eskutitzak prest genituen hari emateko, eta 9:45ak aldera leihotik begira jarri gara ea gure lagun kuttuna noiz azalduko (a zer nolako urduritasua !). Eta halako batean ikusi dugu!!! San Juan baselizako aldapatik behera jaitsi da irribarrez, besoak eta bastoia astinduz, gu agurtuz. Zer nolako nerbioak, algarak, barreak eta ilusioz betetako aurpegiak gure artean!!! Andereñoren bat edo beste ere emozioz malkotxoren bat bota du….hortik atera kontuak! Korrika batean bideo-gelara jaitsi eta bertan eseri gara Olentzero eskolara iritsi zain. Eta halako batean kax-kax-kax Olentzerok atea jo du . Han sartu da, beti bezain alai eta jator. Guk Gabonetako abestiak kantatu dizkiogu Eliren eskusoinuaren laguntzaz, eta bera ere animatu, eta gurekin abesten jardun da. Gelarako opari ederrak ekarri dizkigu eta agurtu baino lehen argazkiak elkarrekin atera, eta muxu bana eman diogu. Txikienetako bat beldurtu da Olentzeroren bizarrarekin, eta muxua datorren urterako utziko dutela adostu dute Olentzero eta biak. Orioko plazan ostegun arratsaldean berriz elkar ikustekotan geratu gara. Mari Domingi, Galtzagorriak, Lamiak, Mari, Basajaun, Basandere …eta hainbat lagunekin azalduko omen da!

MERRY CHRISTMAS AND A HAPPY NEW YEAR-GRADE 4

FICOBA 2015

Begira zein ondo pasa genuen LHko 1., 2., 3. eta 4.mailakoek Ficoban.
Ficobako Pin, pan, pun, dibertsioz betetako parkea!!!

EUSKARAREN EGUNA

GURASOEKIN JOLASEAN

 GURASOEKIN JOLASEAN

Hiruhileko honetan zehar astelehen goizero jolas euskaldunak ikasten jardun gara Haur Hezkuntzako ikasleok. Horregatik urtero egiten dugun bezala, aurreko ostiral arratsaldean gurasoak gonbidatu genituen gurekin euskaraz jolastuz  jolasak ikastera.  “Xagu-txiki”, “ikus- ikusi han”, “trikitixa”,”kaian nabil” eta “jolasean nenbilen”-ekin jardun gara oraingoan.

Eskerrik asko gurasoei izan zuten jarrera onarengatik. Datorren hiruhilekoan jolas berriak ikastera gonbidatuko zaituztegu!!!

TXIKIGUAY

TXIKIGUAY-EN ESKOLAKO LAGUNEKIN!!

 Ederki pasa genuen abenduaren 17an, ostegunean, Txikiguay-en. Kirioak dantzan genituela etorri ginen eskolara egun horretan. Autobusean bidaiatu, saltoka ibili, kulunkatu, eskalatu, txirrista handitik jaitsi … emozio asko bizi ondoren neka-neka eginda bueltatu ginen eskolara. Baten-batek lo ere hartu zuen autobusean! Datorren urtean berriz.

EGUNEKO ZENTROAN ETA HAURRESKOLAN ABESTEN

Gabonak gainean ditugula kontuan izanik, abenduaren 16an eskolako haurrak herritik paseo bat eman eta Haur-eskolara eta Eguneko-zentrora bisita egiteko aprobetxatu genuen.

Bertan, gure indar eta gogo biziz, Gabonetako hainbat kantu abestu genizkien, haur txikien begi handiak eta herriko nagusien aho irribarretsuak begira genituelarik.

Zalantzarik gabe, errepikatu beharreko eguna.

TEMA 2: UN MUNDO DE COLORES

Bukatu dugu bigarren unitatea ere. Unitateari amaiera emateko, horma-irudi bat egin genuen.

GOOD-BYE KATY!!!

Aurreko urteetan bezala, aurten ere unibertsitateko ikasle estatubatuar bat izan da gure artean. Katy Californiakoa da eta astean behin 6. mailako ikasleekin ahozkotasuna lantzera etorri da. Hasieran azentu amerikarra ulertzea kosta egin bazaigu ere, pixkanaka ohitu gara eta oso gustura egon gara. Gainera, Katyren bizitzari buruzko eta Californiari buruzko gauza asko ikasi ditugu. Bi hilabete pasa eta gero agur esateko garaia iritsi da eta agur polit bat izan da gainera. Gutaz gogoratzeko oparitxo bat egin diogu, eta berak txokolaterekin jateko gaileta goxuak prestatu dizkigu. Mila esker Katy!Ez ahaztu gutaz!

SAN NIKOLASAK IRITSI DIRA!! AURREKO EGUNETAN HAUR HEZKUNTZAN FESTETAN MURGILDUTA EGON GARA. IKUSI ZER EGIN DUGUN!

 ONDO PASA FESTAK!

EUSKARAREN EGUNA 2015

WIZARD SCHOOL

Wally Wizard is at school with Harriet. Where's the spell book? The Wicked Wizard has got it!! Fortunately, Wally Wizard has got a magic pencil case with a magic ruler, a magic pen and a magic rubber in it. Thanks to the magic pencil case they will retrieve their spell book.

Wally Wizard eta Harriet azti eskolan daude. Non dago konjuruen liburua? Azti maltzurrak dauka!! Zorionez, Wally aztiak estutxe magiko bat dauka, erregela, boligrafo eta borragoma magikoekin. Honi esker konjuruen liburua berreskuratuko dute.

 

ABENDUAK 3: EUSKARAREN EGUNA

Ederki pasa dugu gaurko eguna!
 Sorginkeria ugari izan da gurean!
 Urte osoko jarduna gaurkoan ospatu dugu
GAU ETA EGUN ZARAGUETA EUSKALDUN!
 IKIMILIKILIKLIK!!!!

EUSKARAREN EGUNA PRESTATZEN...

ERAKUSKETA: IKASLEEN ARTEKO HEZIKETA.

RECIPE FOR A FRUIT SMOOTHIE

UTENSILS: a peeler, a knife, a chopping board and a blender.

INGREDIENTS: apples, mangoes, milk and bananas.

STEPS: 1. Peel the apples and the mangoes with a peeler or a knife.

               2. Peel the bananas.

               3. Cut up the fruit with a knife on the chopping board.

               4. Put all the fruit into the blender.

               5. Pour the milk in the blender.

               6. Mix the fruit and the milk in the blender.

               7. Pour the smoothie into the glasses.

               8. Drink the smoothie and enjoy it!!!!

Ingeleseko saioan, 5. mailako ikasleok errezeta hau egin dugu eta ingelesez idatzi dugu zuentzat. Oso osasungarria denez animatzen zaituztegu etxean egitera. Lasai ez baduzue ulertzen, guri galdetu, horretarako ikasten ari garela ingelesa, edo bestela begiratu argazkiak eta primeran ulertuko duzue. ON EGIN!!

Haur Hezkuntza herriko liburutegian eta azokan

Goiz polita pasa genuen azaroaren 12an Zaraguetako haur hezkuntzako ikasle-irakasleok. Urtero bezala, herriko liburutegian izan ginen lehendabizi. Eta ipuinekin bukatu ondoren, Goxokiko parkean hamaiketakoa egin, eta jolasean ibili ginen 3 urtekoak. 4 eta 5 urtekoak berriz, ostegunetako azokan eta herriko alde zaharrean ibili ginen  hamaiketakoa egin aurretik. Oso gustura hartzen ditugu horrelako irteeratxoak., eta gainera asko ikasten dugu. 

ZERAIN

Zerainen 3 egun pasa ondoren, han ikusi eta ikasi genuen guztia LHko 5.mailakoei kontatzeko aukera izan dugu. Horretarako dena ondo prestatu eta konbidapena luzatu genien, pozik etorri ziren orain dela 2 urte beraiek han izan baitziren.

SAN MARTIN OSPATZEN

ZERAIN 2015-2016

OH ZERAIN 

ZE POLITA DEN ZERAIN…!

 Poz-pozik eta alai etorri gara Zeraindik. Hala dio bertan asmatutako kanta honek:

 Oriotikan joan nintzen Zerain ikustera 

Han ikusi genituen ardi txuri-txuriak

 Oh Zerain…ze polita den Zerain…!

 Handikan etorri nintzen 

 Poz-pozik eta alai

Txindoki eta Aizkorri genituen parean 

Bolatokitik ikusten genituen aurrean

 (Oh Susana doinua) 

Harizti-erdi aterpean maletak utzi ondoren, pil-pilean genituen emozioak baretzen doaz jokuari eta farrari tokia utziz.
Burdimendira iristean, aspaldiko meatzarien lanak ezagutu eta eurek egindako galerietatik ibili ginen satorren modura.
Ondoren, Alustiza anaien zerrategia ere ezagutu eta uraren indarrez egurra mozten eta bonbila pizten ikusi genituen.
Hurrengo egunean, Segurako Ondarre baserrian gazta egiten ikasi genuen. Baita dastatu ere gazta goxoa menbrilloarekin! Arratsaldean, aspaldiko kartzelan sartu eta handik bolatokira. Gure arteko txapelketan gustura pasa genuen arratsaldea. Izan ziren ere txapelketan ibili nahi ez zutenak eta ezkurrekin eta harri - koskorrekin kuxinaketan ibili zirenak.
Eta etxerako bueltan besazpian ogia! Hortan pasa genuen azken goiza. Ogia oratzen ilusioz beteta opariarekin itzuli nahian.

2015 – 11 - 6 

Zaraguetako Herri Eskola 

L.H 3, 4 ikasle-irakaslea

DBHkoen udazkeneko irteera

Joan den urriaren 13an DBHko ikasleek irteera egin genuen. Zarautzetik Zumaira joan ginen Done Jakue bidea jarraituz

Zaraguetako uzta

Itxura ederra du Zaragueta Herri Eskolako baratzak, eta ostiraleko eguraldi ederra aprobetxatuz uzta jasotzen ibili gara.

Goizetik haur hezkuntzako 3, 4 eta 5 urtekoak letxuak biltzen ibili dira. Haurrak poz pozik daude arratsaldean etxera bakoitzak bere letxua eramango duelako. Eta seguru, batek baino gehiagok gaur lehenengo aldiz letxua probatuko duela etxekoekin afaltzeko orduan!

Udaberrian landatutako kalabaza bikainak ere bildu eta eskolako sarreran jarri ditugu erakusketa moduan. Datorren astean zatitu, eta bakoitzak zati bat eramango dugu etxera pure goxo-goxoa egiteko.

Arratsaldean berriz, hirugarren eta laugarren mailakoak tipulak eta espinakak landatuko dituzte, berriz ere uzta jaso ahal izateko

IKASLEAK IGERIKETA SUSTAPEN KANPAINAN

Zaraguetako 3.mailako ikasleak igeriketa ikastaroa egiten hasi gara. Aurreko asteetan 1. Ziklokoak bezala, hor joaten gara errioaren kontra bizikleta-suge koloretsua marraztuz, patxadan eta gozatuz.

POSTURA EGOKIEN IKASTAROA

LH3koek POSTURA EGOKIEN IKASTAROA BURUTU ZUTEN Garikoitz Aristegiren laguntzarekin. Bai etxean bai eskolan bizkarreko minik ez izateko , bai makurtzean, pisuak eramatean edo jasotzean , postura egokiak erabiltzeko ohiturak lantzen aritu ziren. 

HASI DA IKASTURTE BERRIA (AURKEZPENA-KANTAK)

6. MAILA ZUHATZAN (14-15)

JAIALDIA 14-15 LH (5-6)

JAIALDIA 14-15 LH (1-2-3-4)

JAIALDIA 14-15 HAUR HEZKUNTZA

JAIALDIA 2014-15 (argazkiak)

ITURRARAN

Egun ezin hobea igaro genuen Haur Hezkuntza osoko ikasleok. Zein polita den Pagoeta, eta zein interesgarria izan zen erleei buruzko tailerra! Baina onena, jakina, lagunekin jolastea.

ARRAUNA 14-15 (6. MAILA)

MY HOUSE IS PERFECT!!!

Mr Brown is sad because he thinks that his house is too small. Soon he will realize that his house is not too small. It is perfect! Mr Brown triste xamar dabil bere etxea txikiegia delakoan. Laster konturatuko da ez dela txikiegia, bikaina baizik!!!

HERRI IBILTARIAK-ARKITEKTURA

Lehen gizakiek naturak eskaintzen zituen babeslekuak erabiltzen zituzten, kobazuloak adibidez. Baina ibiltari bihurtu behar izan zuten eta leku batetik bestera ibiltze horrekin etxebizitza arina, altxatzeko eta kentzeko erraza eta inguruan aurkitutako materialez eginda behar izan zuten. Tipiaren eredua ikusi dugu, maketatxo bat eginez. Bukatzeko, ikastetxeko parkean tribuka babesleku bana altxatu dugu eta konturatu gara ibiltari izatea ez dela hain erraza!

IBILALDI EDERRA ITXASPERA

5. ETA 6. MAILAKOEN BERTSO SAIOA

Ikasturteari amaiera benetan polita eman zioten. Joan den asteartean, maiatzaren 12an, arratsaldeko 17:30etan ikasleek beraiek osatutako bertsoak eskaini zizkieten bertaratu zirenen guztiei. Zaragueta Herri Eskolako eta Ikastolako 5. eta 6. mailetako neska-mutilak Ikastolan dagoen aretoan elkartu ziren bertsoak kantatzeko. Ikasturtean zehar, hamabostean behin, bertso saioa egiten dute nork bere ikastetxetan eta han osatutakoak abestu zituzten asteartean. Iñaki Gurrutxaga etortzen da Zaragueta Herri Eskolara eta Jokin Uranga ikastolara. Biak, Jokin eta Iñakik eman zioten sarrera, ondoren ikasleak beraien bertsoak eskaini zizkiguten eta bukatzeko Rosi Lazkanok bereak bota zituen. Hurrengo urtekoari zain jarrita gaude, San Ferminetan bezala.

ESKOLA AGENDA 21EKO UDAL BATZARRA

Ikasturteko lana borobiltzeko ekintza garrantzitsua.

ERLAUNTZA-ARKITEKTURA TAILERRA

Komunitatean bizitzearen eredu onenetariko bat erlauntza da. Erleek, ahalik eta argizari gutxien gastatzeko, zilindroak eraikitzen dituzte eztia biltzeko asmoz. Espazioa aprobetxatzeko, zilindroak inguruan dauzkaten 6 zilindroekin zanpatuko dituzte hexagono forma hartu arte.

Erleak gu bezain langileak dira!!!!

STORY TELLING IN ZARAGUETA

Hello every body!! On Monday, Alan, a very funny Scottish story teller, came to our school and told us three exciting stories. The greatest thing about it is that Allan gave us the chance to take the part of the characters of the story. In addition, we loved listening to the bagpipe and the banjo...THANK YOU VERY MUCH AND HOPE TO SEE YOU AGAIN VERY SOON!!!  

Kaixo familiak! Astelehenean Alan, ipuinkontalari eskoziar bat, gure eskolara etorri zen ziklo bakoitzeko ikasleei ipuin bana kontatzera. Dibertigarriena antzezteko aukera edukitzea izan zen! Gainera, ze gozada gaita eta banjo entzutea! Eskerrik asko Allan eta espero dugu berriro elkar ikustea!

LIBURU EGUNA ZARAGUETAN (BI)

IPUINEN ITSASOAN IGERI

HAUR HEZKUNTZAKO IKASLEAK IPUINETAN MURGILDUTA IBILI  GARA AZKEN BOLADAN. 

IBILBIDE HONETAN GURASOAK IZAN DITUGU BIDELAGUN.

BESTALDE, LEHEN HEZKUNTZAKO ETA BIGARREN HEZKUNTZAKO IKASLEAK BIKOTEKA IRAKURTZEN PROGRAMARI AURTENGOZ AMAIERA EDERRA EMAN NAHI IZAN DIOTE ETA OPARI EDERRA EGIN DIGUTE!! GOXO GOXO HARTU GAITUZTE ETA IPUIN ZORAGARRI BANA KONTATU DIGUTE.


 MILA ESKER!! MAITE ZAITUZTEGU!!

IRAKURTZEN-ENTZUTEN

VI. KROS TXIKIA 2015

BIDEOA