2022/04/29

GURASOAK IPUIN KONTALARI

 Haur Hezkuntzan ipuina proiektuarekin ari garenez, gurasoak gonbidatzen ditugu beraien seme-alabei geletan ipuinak kontatzera.




 Animatu zaitezte!!!

2022/04/27

IRAKASLEAK IRAKURLE DBHn

Gaur, apirilak 27, Liburuaren Eguna ospatu dugu, nahiz eta egun ofiziala 23an izan zen, larunbatean. Goizean zehar, gela bakoitzeko irakasleak liburu baten pasarte bat irakurri du. DBH3ko ikasleoi "Sudurra" ipuina aurkeztu digute, Gogol idazlearena. 

Gure iritziz, oso egokia da saioak horrela hastea. Gehiagotan egitea gomendatzen dugu, oso ona baita erlaxatzeko eta, bide batez, idazle berriak ezagutzeko.

June Askargorta eta Lander Lazkanotegi





2022/04/08

ONDO PASA OPORRAK!!!!

Bigarren hiruhilekoari amaiera polita emateko gaur goizean LH4A-kook Itxaspe aldera joan gara. Bertan, denon artean bertso bat osatzea ere lortu dugu. Ea zuen gustukoa den:

Bi mila hogeita biko

apirilak zortzi

gelan izan ditugu

hainbat esperientzi

denak ezin ditugu

bertsoan idatzi

ondo pasa oporrak

denontzat goraintzi


Doinua: Balearen bertsoak

LIBURUTEGI IBILTARIA DATOR 3 URTEKO GELARA

Asteartea da. Goizeko 10:30ak. Gelako atean tok-tok-tok entzun da. Ireki dugu atea.... badator liburutegi ibiltaria!!

Zenbat liburu, zenbat altxor, zenbat istorio, zenbat abentura!!




Ipuin honek itxura polita du, goxo goxo begiratuko dut. Gustatu zait, baina beste bat nahigo agian. Bere tokian utzi, eta ea.... hau bai! Otsoen liburu hau irakurri nahi dut. Goxo goxo begiratu berriz ere... 

Bai, hauxe eraman nahi dut etxera, gurasoekin batera ikusteko. Eta agian aiton-amonei ere erakutsiko diet.






Papertxoan apuntatuko dut etxera eramango dudan liburuaren izena. 7 egunez edukiko dut etxean, nahikoa denbora ipuinaz gozatu eta disfrutatzeko. 






Bukatzeko, ipuin bat kontatuko digu Leirek. Gaur piraten istorio bat tokatu da. Zirraragarria izan da! Gozatu egin dugu ipuinarekin!! Beno, gaurkoz bukatu da.

 Agur liburutegi ibiltaria! Hurrengo asterarte!


Lehengo astetik LH5-n Ukraniatik etorritako ikaskide berria dugu. Berarekin komunikatu ahal izateko, Euskara-Ukraniera hiztegitxoa egiten ari gara.
 


TTIPI-TTAPA TTIPI-TTAPA KORRIKA!

Gaur goizean 4-retan esnatu gara Korrikara joateko. Plazan geratu gara, eta "Alto de Orion" (Zuduagarai gainean) korrikako lekukoa hartu dugu eskolakook, eta herriraino joan gara. Korrika pankarta ere eraman dugu, eta furgonetakoekin animatu egin gara gehiago egitera. Orioko jende askok eraman du lekukoa eta gu pankartarekin joan gara Ortzaikaraino. Ortzaikatik bueltan, plazan, ez digute txokolate "funditurik" utzi. Azkenik, eskolara joan gara.
Aupa KORRIKA 2022!
Kronika: Oier Egia eta Hektor Gonzalez
 













 

 BARTZELONATIK ERE KORRIKAREN ALDE!

DBH4ko ikasleak Bartzelona aldean dabiltza ikasbidaian baina ez dira ahaztu Korrika Txikiarekin

TITI TAPA TIPI TAPA KORRIKA!!



2022/04/06

 KANTUSAIOAK

Gaur, azkenean, KANTUSAIOAK  egin ditugu. Lehendabizi LH3 eta LH4ko ikasleak elkartu ditugu bideo gelan. Gure kantutegiko abesti zaharrak abestu ditugu: Aldapeko sagarraren eta Anai Xanti, bigarren hau, Kanon forman abestu degu, 3 ahotsetara. Dotore!!!.  

Ondoren, HH ko eta LH2ko ikasleak izan ditugu kantuan patioan. Gogoz aritu dira, eta oso ondo abestu dituzte gelan landutako kantuak: Udaberrian kantuz, Musika ikasten ari gera, Hilabeteak. Zoragarri!!!


2022/04/05

 Gaur 13.irratsaioa izango dugu. KORRIKAren inguruko erreportaia entzungo dugu. Horretaz gain,  menua, lehiaketa eta LH2koek prestaturiko errezetak.

Ongi pasa oporrak!!!

Klikatu HEMEN

ASTE OSASUNTSUA 2021-2022

 


2022/04/01

BISITA EDUKI DUGU GELAN!

 


Ipuinen proiektuarekin hasi garenez, gaur gelan bisita eduki dugu! 

Maitane, Ariadneren ama, ipuin bat kontatzera etorri da.





Asko gustatu zaigu ipuina! Eskerrik asko Maitane!




Ondoren goiza ondo bukatzeko, HH3koen gelara joan gara jolastera eta primeran pasa dugu!






 

                                      




Elizako organoa barrutik

Martxoaren 31n, Zaraguetako DBH2ko ikasleok Orioko eliza bisitatu genuen, organoa entzun nahian. Bertan, gure musika irakasleak, Pablo Cepedak, organo pieza harrigarriak jo zituen. Ondoren, organoa barrutik ikusi genuen, eta nola funtzionatzen duen erakutsi ziguten. Azkenik, eskerrak eman nahi dizkiogu Orioko apaiz Unai Manterolari eliza bisitatzen uzteagatik. 

Kronika: Camila Velazco eta Enara Iglesias 

Postre osasuntsuak

Aisiako ikasgaian, DBH1eko eta DBH2ko ikasleek postre osasuntsuak prestatu dituzte aste honetan. Elikagaien arteko oreka helburu, osagaiak ekarri eta postre goxo askoak osatu dituzte. Badakizute gainera, norberak egindakoa beti izaten dela super goxua ;-) Urte guztiko lana baldin bada ere, jakizue datorren astean Osasun Astea ospatuko dugula, eguneroko aktibitate, kutsadura, elikagai eta abarrak azterten jardungo gara. On egin!