2022/10/28

PERRETXIKOAK ETA ONDDOAK

Aste honetan gure gelara Julen etorri zaigu. Juleni asko gustatzen zaio perretxikoak eta onddoak aurkitu eta hauek jatea. Perretxikoak eta onddoak aurkitzeko sekretu asko kontatu dizkigu. Orain badakigu Kukuarriko bidean adi ibili behar dugula. Eskerrik asko Julen!!!





2022/10/25

Udazken koloretan Agorregira

Joan den ostiralean, urriaren 21ean, DBH3-ko ikasleak Agorregira joan ginen. Goizeko 8.45ean plazatik abiatu ginen Pagoetako parke naturalera. Parke naturaletik Agorregira joan ginen Aran monitoreak bidean azalpen interesgarriak ematen zizkigun bitartean. Agorregin ikusi genuen nola egiten zuten irina lehen. Ikusi genuen errota, ur errota zen, uraren energia erabiliz garia eta artoa xehetzen zituzten. Gero uraren energiarekin, mailu erraldoi baten kolpeen bidez burdina moldatzen zuten. Bukatu ondoren, ordu libre bat eduki genuen, taldeko batzuk bainatu egin ginen eta beste batzuk ingurua miatzen aritu ziren, udazken koloretan!

Ingrid Roig eta Joseba Torres  

 






2022/10/24

LIBURUTEGI BERRIA

Ikasturte honetan liburutegi berria dugu eta 2.mailako ikasleak oso gustora gabiltza. Astean behin arratsaldeko saio bat pasatzen dugu bertan. Denetarik aurkitzen dugu han: ipuinak, komikiak, asmakizunak... saltseatzeko eta goxo-goxo irakurtzeko denbora izaten dugu eta etxera eramateko aukera ere badugu.

PIN, PAN, PUN, IRRATSAIOA ENTZUN!!!

Gure inguruan tiro hotsak entzuten diren garai honetan iritsi zaigu ikasturteko bigarren irratsaioa. Saio honetan LH 5-6 mailakoek Zuhatzara egindako irteeraren berri izango dugu. Honetaz gain, lehiaketako irabazlea nor den eta galdera berria zein den ere entzungo ditugu. 

Besterik gabe, garbitu belarriak eta 5, 4, 3, 2, 1....AIREAN!!!!

 



2022/10/20

 


 TXANGOA

Gaur goizean  4 eta 5 urtekoak txango bat egin dugu.

Liburutegian egon gara eta bertan ipuin politak irakurri ditugu, Pilliku plazara ere igo gara eta Maria Maestrari "Bertso txiki bat" abestu diogu eta nola ez azokatik ere bueltatxo bat egin dugu, fruta erosiz  hamaiketako goxo bat egiteko. Azkenik parkean ibili gara eta poz pozik bazkaltzera eskolara itzuli gara.

Goiz ederra pasa dugu!!!










2022/10/14

EDERKI IBILI GARA ZUHATZAN

Aurreko astean LH 5-6 mailako ikasleok ederki ibili ginen Zuhatzara egindako irteeran. Eguraldia lagun ekintza ezberdinak egin genituen: piragua, windsurfa, arrauna, optimis eta abar.


2022/10/13

Mutiozabal ontziola

DBH2A-ko ikasleak irailaren 30ean Mutiozabal ontziolara joan ginen. Lau taldetan banatu ginen eta lehenengo txalupa bateko atalak errepasatu genituen. Gero talde bakoitza arotz batekin jarri zen lanean. Adibidez; Saulekin astoa egiten aritu ginen zerra batekin, Enekorekin iltzeak sartzen ikasi genuen, Antxonekin ere zerra erabili genuen baina formak egiteko, eta Oibarrekin egurra leuntzen egon ginen. Oso ondo pasa genuen!

Isabela eta Txomin






2022/10/07

KIROL EGOKITUA

Bedin-Berdinak kirol Elkarteak, Orioko Udalarekin elkarlanean proposaturiko Kirol Egokituko sentsibilizazio saioa izan zuten LH6 eta DBH2-ko ikasleek. Hainbat kirol eta dinamiketan parte hartu zuten eta benetan saio aberasgarria eta hezitzailea izan zen. Besteak beste, boccia, goalball-a, slalom-a eta futbol egokitua praktikatu zituzten. Gure eskerrik beroenak Berdin-Berdineko kideei!


        

                      


2022/10/06

 Aurreko astean, musika gelan 1go mailakoek abestutako abestia igo genuen, baina ez zen ondo entzuten....Ea oraingoan hobeto entzuten den!

LEHIOTIKAN BEGIRA , EGON NINTZEN GOIZETIK

MILA SOINU EZBERDIN, ZETOZKIDAN KALETIK

KANPAIAK ELIZETAN, DIN DAN, DIN DIN DAN!

KATUAK TEILATUAN, MIAU, MIAU, MIAU MIAU MIAU!

TXAKURRAK LEHIOPEAN, UAU UAU UAU UAU UAU!

DANBORRAK DESFILEAN, BRON, BRON BRON BRON BRON!

TXIMELETA DAUKAGU ZIENTZIA EKOSISTEMAN

KAIXO!!

PATIO GARAIAN XOMORRO, KAKALARDO, ETA BITXOBOLA UGARI TOPATZEN DITUGU.

DUELA EGUN BATZUK ALAIAK TXIMELETA BAT AURKITU ZUEN.



ZIENTZIA GELARA ERAMAN DUGU TXIMELETA ETA MIKROSKOPIOAREKIN

AZTERTZEKO APROBETXATU DUGU.





ONDO ONDO AZTERTU ONDOREN, ONDORIO HONETARA IRITXI GARA:

TXIMILETA HAU PASA DEN IKASTURTEAN ZAINDU GENITUEN ZETARRETAKO BAT DA!







2022/10/04

BUELTAN DA ZARAGUETA IRRATIA

Iritsi zaigu ikasturteko lehen irratsaioa. Lehen saio honetan Zaragueta Irratiaren funtzionamendua nolakoa izango den, sortu den atal berri baten azalpena eta zenbait gauza gehiago izango ditugu. Besterik gabe, entzun eta gozatu!!!!

5, 4, 3, 2, 1... AIREAN!!!!!!

 

(Irudian klikatu)

2022/10/03

Aurten, berriro txirula ikasten hasteko aukera degu eta horri ere eutsi diogu. Ilusio handiarekin hasi gera!!! Gaurkoan LH3ko ikasleek jardun dute gogotsu eta gelako jarduna hemen zintzilikatu degu. Ea horrelaxe jarraitzen degun! Animo!!! 

 EZKERRA IBILTZEN DA

 TXIRULAK ZORTZI ZULO DITU


TXOKO TXOKO TXO