PORROTX

Ekainaren 20an PORROTXen bisita izan dugu Zaragueta Herri Eskolan, HH2tik LH3ra bitarteko haurrek ederki asko gozatu dute eta hunkiturik amaitu dute. Bide batez, Lurdes Berasategik erretiroa hartu digunez, omenalditxo bat jaso du

Argazki gehiago HEMEN

4.DBHkoen AGURRA

Gaur DBHkoen azken eguna izanik, irakasle eta ikasle guzien agurra jaso dute 4.DBHkoek. Aurreskua, bertsoak eta oroigarria jaso dituzte eta  benetan hunkiturik amaitu dute barneko emozioak azaleratu direlarik.

Argazki gehiago HEMEN

ESKOLAKO JAIALDIA

Jaialdiko ekitaldi nagusian taldeek honako abesti eta dantzak aurkeztu zituzten:

·         HH 2-3:  DANTZA

·         HH 4 eta HH 5: “ASTORATUTA” ETA “PRESAKA” koreografia eta dantza

·         LH 1: “BABY SHARK” antzezpena eta dantza

·         LH 2: “ROCK AROUND THE CLOCK” dantza.

·         LH 3: “NORA” NOGEN dantza

·         LH 4: JUST DANCE “ANIMALS” dantza

·         LH 5: Zinemaldiko antzezpena.

LH 6: JUST DANCE “ WAKA WAKA” dantza eta “FUNNY TALENT SKIT” antzezpena

·         

Argazki gehiago hemen

LH 4koak ZARAUZKO ARAZTEGIAN

Orioko Zaragueta Ikastetxeko Lehen Hezkuntzako 4.mailako ikasleak Zarauzko araztegia bisitatzera joan ziren. Bertan, biltzen diren Orioko eta Zarauzko ur zikinak nola garbitzen diren ikusi zuten. Prozesu guzia nolakoa den esplikatu zieten bertako bi begiralek eta ikasleak erne egon ziren.

Ondoren, Inurritza parkera joan ziren hamaiketakoa egitera. Azkenik, kanpinera oinez igo, bertan bazkaldu eta Txurrukako hondartzatik barrena ikastetxera iritsi ziren.

Argazki gehiago HEMEN

“DO RE NI” PROIEKTUAREN FROGA PILOTOAREN GRABAKETA ZARAGUETA HERRI ESKOLAN.

Xabier Lizaso musikari oriotarra “ DO RE NI” proiektuan murgilduta dabil azken urteetan. Xabierren lanaren garrantziaz ohartuta, EITBren laguntza jasotzen ari da, proiektua Euskal Herri osoan zabaldu dadin eta Euskal Herriko gizartea eta irakasleak ikusi dezaten proiektu integratzaile honek haurrengan dituen onurak .