Aurreko astean DBH 2ko ikasleak heziketa afektibo sexualaren inguruan 6 orduko lanketa egin genuen Lilima elkartearen eskutik. Bertan gure arteko harremanak nolakoak diren hausnartu genuen, eta ikusi genuen jazteko moduak edo generoak ez duela garrantzirik. Azken egunean, batez ere, sexuaren inguruko zalantzak argitzeko galderak egin ahal izan genituen. Benetan interesgarria izan zen!
Mamadou Diouf eta Camila Sueldo (DBH 2B)
.jpg)
Gero eta gutxiago geratzen da eta dagoeneko hasi gara inauterietako dantzen entsaioekin.
Aupa gu!
Aste honetan 1go eta 2. mailakook bisita berezi bat izan dugu. Alaine Agirre idazlea gure eskolara etorri da.
Alainek liburu asko idatzi ditu. Guk azken bi asteetan hiru ipuin irakurri ditugu: "Amaren bila "," Nire amama umea da " eta " Badauzkat nire zulotxoan ". Oso ipuin politak dira eta asko gustatu zaizkigu. Mila galdera genituen eta Alainek pazientzia handiz guztiak erantzun ditu.
Aurreko astean urteko lehen irratsaioa entzun bagenuen, gaurko egunerako irratsaio berri bat egitea pentsatu dugu. Gaurko protagonista nagusiak LH4. mailakoak izango dira. Honetaz gain, adi entzun lehiaketako irabazlea eta galdera berria zein diren.
Besterik gabe, belarriak garbitu eta 5, 4, 3, 2, 1 … AIREAN!!!
Kaixo lagunak!
